'सङ्क्षिप्त जीवनवृत्त' भनेको कुनै व्यक्ति विशेषलाई परिचित गराउने उद्देश्यले तयार पारिएको जीवनको खाका हो । हिजोआज कुनै कार्यालय वा गैरसरकारी संस्थाहरूमा जागिर खानपर्यो अथवा विदेशमा पढ्न जानुपर्यो भने उम्मेद्वारले यस्तो जीवनवृत्त (बायो डाटा) बुझाउनुपर्दछ । हुन त जीवनवृत्तका यस्ता ढाँचाहरू प्रयोजनअनुसार भिन्नभिन्न प्रकारका हुन्छन् तापनि एउटा सामान्य ढाँचा यसप्रकार छः
१.व्यक्तिगत परिचयः................................................................... फोटो
नाम :.....................................................................................
फोन/फ्याक्स /इ-मेलः..................................................................
२. आवेदित पदः........................................................................
३. अनुभवः........................................................................
काम गरेको मितिः....................................................................................
काम गरेको ठाउँको नाम र ठेगानाः..................................................................
कामको किसिम र जिम्मेवारीः.............................................................................
पदै/ओहदाः..................................................................
४. शैक्षिक योग्यताः.............................................................................
विद्यालय/महाविद्यालय / विश्वविद्यालयः........................................................................
प्राप्त गरेको उपाधि / उत्तीर्ण गरेको तहः.....................................................................
उत्तीर्ण गरेको मितिः.............................................................................
५. विविधः.............................................................................
उमेरः.................................................................
अन्य सेवा वा संलग्नताः........................................................................................ ।
यी कुराहरूका अतिरिक्त आवश्यकता अनुसार निम्नलिखित कुराहरू पनि संक्षिप्त जीवनवृत्तमा समाविष्ट गर्न सकिन्छ:
(१) वैवाहिक स्थिति (२) जानेको भाषा
(३) विशेष तालिम वा अतिरिक्त योग्यता (४) प्रकाशन
(५) विदेश भ्रमण (६) पदक, पुरस्कार, विभूषण आदि
कहीँ प्रवचन दिन जानुपर्यो वा कुनै कार्यक्रमको प्रमुख अतिथि बन्न जानुपर्यो भने अवस्था हेरी सङ्क्षिप्त जीवनवृत्त तयार पार्नुपर्दछ, किनभने त्यसैका आधारमा सो व्यक्तिलाई सबैका सामु परिचित गराइन्छ । जेहोस्, आवश्यकता हेरी यसको ढाँचामा फेरबदल हुन सक्तछ । ध्यान दिनुपर्ने मुख्य कुरो के हो भने यो तथ्यपूर्ण हुनु पर्दछ । यसले व्यक्तिको जीवनको मुख्य अंशलाई प्रतिबिम्वित गर्न सक्नुपर्छ।